Ayni kunlarda SamDU Kattaqo’rg’on filiali talabalari yashaydigan ijara xonadonlarini kuz-qish mavsumiga tayyorligi, ular uchun yaratilgan sharoitlar, gaz, suv, elektr ta’minoti holatini o‘rganish ishlari davom etmoqda.
Jumladan, Joriy yilning19-yanvar kuni SamDUKF Yoshlar Ittifoqi boshlangʻich tashkilot yetakchisi H.Rashidov, filial profilaktika inspektori X.Haydarov,fakultet yetakchilari, koordinatorlari va filialda tashkillashtirilgan “Qalqon” jamoatchilik guruhi a’zolari E.Dusmuradov, S.Aktemirov, I.Tugalovlar ijara xonadonlarida yashovchi talabalarning holidan xabar olishdi.
Tashrif davomida is gazidan zaharlanishning oldini olish, yong‘in kelib chiqishi mumkin bo‘lgan holatlar, elektr energiyasidan noto‘g‘ri foydalanishning zararli oqibatlari boʻyicha har biri talaba bilan alohida suhbatlashib, kerakli tavsiyalar berildi. Texnika havfsizligi qoidalariga rioya qilish yuzasidan tushuntirishlar ishlari olib borildi.
Talabalar bilan suhbat jarayonida ularning muammo va takliflari tinglanib, ular yuzasidan kerakli tavsiyalar berildi. O‘zbekiston Respublikasi Vazirlar Mahkamasining 605-sonli qaroriga muvofiq talabalarning ijara to‘lovini bir qismini qoplab berilishi haqida talabalarga tushuntirish ishlari olib borildi.