fbpx
Yosh avlod taʼlim- tarbiyasiga boʻlgan eʼtiborni oʻzligimiz va kelajakka boʻlgan eʼtibor deb bilib, ularga gʻamxoʻrlik koʻrsatish, sogʻlom oʻsishi, toʻgʻri tarbiya hamda taʼlim olishini taʼminlash barchamizning burchimiz. Shu munosabat bilan Samarqand davlat universiteti Kattaqo’rg’on filialida “Farzandlarimiz kelajagiga befarq emasmiz” shiori ostida “Ochiq eshiklar kuni”   bo’lib o’tdi. Tadbirga Kattaqo’rg’on tumani 18-maktab bitiruvchi sinf o’quvchilari tashrif buyurishdi. Uchrashuvda ilmiy metodik jihatdan tajriba almashish va bitiruvchi sinf o‘quvchilarini oliy ta’limga qamrovini kuchaytirish ishlari muhokama etildi. Tadbir davomida filialning tarixi, ilmiy salohiyati, ta’lim yo‘nalishlari, talabalar hayoti, o‘quv jarayoni, hamda axborot resurs markazi haqida batafsil ma’lumotlarlar berildi. Bu esa ularning kelgusida munosib kasb tanlashlari uchun turtki boʻldi, deya olamiz. Filialda yaratilgan imkoniyatlar maktab o’quvchilarida katta taassurot qoldirdi.