fbpx
Bugun, 19-yanvar kuni Samarqand davlat universiteti Kattaqo’rg’on filialida xotin-qizlar o’rtasida o’zbekona kiyinish madaniyatini targ’ib qilish hamda milliy kiyinish madaniyatini yuksaltirish, shuningdek milliy qadriyat, an’ana va urf-odatlarimizga hurmat va sadoqat ruhida tarbiyalashga qaratilgan keng qamrovli tadbir bo’lib o’tdi. Ko’rgazmada Pedagogika va tillarni o‘qitish fakultetining iqtidorli talabalari tomonidan yaratilgan eskizlar, milliy va zamonaviy liboslar hamda peyzaj janrida mo’yqalam yordamida chizilgan rassomchilik asarlari namoyish etildi. Milliy va zamonaviy liboslardan iborat kolleksiya fakultet talaba-qizlari tomonidan ko’rgazmali tarzda taqdim etildi. Tadbirda namoyish etilgan bir-biridan chiroyli milliy va zamonaviy liboslar barchaga birdek manzur bo’ldi. Tadbir ishtirokchilari tomonidan badiiy ko’rgazmada ishtirok etgan talabalarga kelajakdagi ijodiy yo’llarida omad tilandi. Iqtidorli yoshlar tashakkurnomalar bilan taqdirlandi.