Kattaqo‘rg‘on shahri mahallalarida “Yangi hayot uchun, yangi O‘zbekiston uchun” shiori ostida “Mahallada duv-duv gap” targ‘ibot tadbirlari o‘tkazilmoqda. Xuddi shunday tadbir Bugun 3-yanvar kuni Ingichka qo’rg’onidagi “Abdulla Qahhor” mahallasi aholisi ishtirokida 15-maktabda ham tashkil qilindi.
Tadbirda SamDU Kattaqo‘rg‘on filiali direktori o‘rinbosari Sh.Mustafayev,
filial ma’naviyat bo’limi boshlig’i B.Ishmuradov, Sh.Doliyev hamda “Abdulla Qahhor” mahallasi fuqarolari, ziyolilar ishtirok etishdi.
Targ‘ibot tadbirida SamDU Kattaqo‘rg‘on filiali direktori o‘rinbosari Sh.Mustafayev so‘zga chiqib, yurtimizda ma’naviyat va ma’rifat sohasini rivojlantirish, bu borada Yurtboshimiz rahbarligida amalga oshirilayotgan islohotlarga alohida to‘xtalib o‘tdi.
“Ma’naviyat oyligi” doirasida bo’lib o‘tgan tadbirda Ingichka qo’rg’onidagi 9-son “Kattaqo’rg’on” madaniyat markazi tõgarak a’zolari ishtirok etib, tomoshabinlarga kôtarinki kayfiyat baĝishlashdi.