fbpx
Kattaqo‘rg‘on shahri mahallalarida “Yangi hayot uchun, yangi O‘zbekiston uchun” shiori ostida “Mahallada duv-duv gap” targ‘ibot tadbirlari o‘tkazilmoqda. Xuddi shunday tadbir “Amir Temur” mahallasi aholisi ishtirokida 17-IDUMda ham tashkil qilindi. Targ‘ibot tadbirida SamDU Kattaqo‘rg‘on filiali direktori o‘rinbosari S.Elmonov, O‘zbek tili va gumanitar fanlar kafedrasi mudiri J.Quchqorov so‘zga chiqib, yurtimizda ma’naviyat va ma’rifat sohasini rivojlantirish, bu borada Yurtboshimiz rahbarligida amalga oshirilayotgan islohotlarga alohida to‘xtalib o‘tdi. Jamoatchilik vakillari, harbiylar hamda nuroniylar mamlakatimizda bugun shukronalik bilan yashash uchun, orzu va maqsadlarni amalga oshirish uchun barcha shart-sharoitlar yaratilayotganiga to‘xtalib o‘tishdi. Shundan so‘ng, shoir va xonandalar tomonidan Vatanni madh etuvchi she’r va qo‘shiqlar ijro etildi. Tadbirda shahar hokimi o’rinbosari J.Nosirov ishtirok etdi.