Tadbirda Samarqand viloyati hokimi Erkinjon Turdimov, Samarqand davlat universiteti rektori, professor, O‘zbekiston Respublikasi fan arbobi Rustam Xolmurodov, Prezident ta’lim muassasalari agentligi direktori Hilola Umarova ishtirok etib, tuman ahli va o‘quvchilarni mazkur yangi ta’lim dargohi bilan tabrikladi.

Rustam Xolmurodov o‘quvchilarga bugun Yangi O‘zbekistonda ilm-fanga bo‘lgan e’tibor zamirida bilimli, zamonaviy fikrlaydigan kelajak avlodni tarbiyalash mujassamlashganligini ta’kidladi. O‘quvchilarning o‘qishi, ilm olishi uchun hozirgi vaqtda kerakli barcha sharoitlar yaratib berilganligi, ularning oldidagi asosiy vazifa faqatgina o‘qish, chet tillarini o‘rganish lozimligini aytib o‘tdi.