fbpx

Vazirlar Mahkamasining 2021 yil 18 maydagi qarori bilan 2021-2022 o‘quv yilidan Samarqand davlat universitetining Kattaqo‘rg‘on filiali faoliyati yo‘lga qo‘yildi.

Mazkur o‘quv yili boshlanishi oldidan filialning yangi binosi foydalanishga topshirildi.

1000 o‘rinli muassasa mukammal ta’mirlanib, 31 ta o‘quv xonasi, kutubxona, tadbirlar o‘tkaziladigan zal hamda sport zali kerakli jihozlar va vositalar bilan ta’minlandi.

– O‘tgan yilda filialga 11 ta ta’lim yo‘nalishida 703 nafar talaba qabul qilingan bo‘lsa, mazkur o‘quv yilida 12 ta ta’lim yo‘nalishiga 481 nafar talaba qabul qilindi, – deydi SamDU Kattaqo‘rg‘on filiali pedagogika va tillarni o‘qitish fakulteti dekani, qabul komissiyasi mas’ul kotibi Anvar Sobirov. – Bugungi kunda filialda professor-o‘qituvchilar 56 nafarni tashkil etib, 2021-2022 o‘quv yilida ular tomonidan xalqaro ilmiy-texnik bazalarga kiruvchi jurnallarda 11 ta, xalqaro miqyosidagi jurnallarda 65 ta, respublika jurnallarida 160 dan ortiq maqola, xalqaro ilmiy amaliy konferensiyalarda 60 dan ziyod tezislar chop etildi.