SamDU Kattaqo‘rg‘on filialining https://samdukf.uz rasmiy veb-sayti doimiy ravishda yangilanib, qulayliklar yaratilmoqda. Saytning imkoniyatlari kengaytirilib, nafaqat jamoatchilik, balki talaba va professor-o’qituvchilar uchun qator qulayliklar yo‘lga qo‘yilmoqda.
Shunday imkoniyatlardan biri filialning har bir talabasi filialning samdukf.uz rasmiy veb-saytidagi “Ta’lim sifati” bo‘limi orqali “Talabalar tashabbusi” qismiga onlayn tashrif buyurishi mumkin. Ularning g‘oya va tashabbuslarini ilgari surish imkoniyati bor.
Unda talabalar o’quv jarayoni, to’garaklar, mustaqil ta’lim, iqtidorli talabalar bilan ishlash, ma’naviy-ma’rifiy tadbirlar kabi yo’nalishlar bo’yicha o’z g’oya va tashabbuslarini bildirishi mumkin.
Bu, albatta, universitet filiali faoliyatida ochiq va oshkoralik, tizim shaffofligini ta’minlash bilan bir qatorda, talaba yoshlar tashabbusi va orzu-umidlarini inobatga olib, ularni har tomonlama qo‘llab-quvvatlashga zamin yaratadi.
