fbpx

Samarqand davlat universiteti Kattaqo’rg’on filialida talabalarning maishiy muammolarini aniqlash va hal qilish, ular orasida huquqbuzarliklarning barvaqt oldini olish, yoshlarning huquqiy, ijtimoiy-siyosiy faolligini oshirishga qaratilgan profilaktik tadbirlar doirasida huquq-targʻibot organlari bilan hamkorlikda uchrashuvlar, maʼnaviy-maʼnaviy tadbirlar tashkil etilmoqda.

Jumladan, joriy yilning 17-fevral kuni ana shunday uchrashuvlardan biri Biznesni boshqarish va axborot texnologiyalari fakulteti talabalari bilan “Yoshlar jinoyatchiligini oldini olish” mavzusida boʻlib oʻtdi.

Tadbirda Kattaqo‘rg‘on shahar IIB huzuridagi tergov bo‘limi boshlig‘i mayor O.Axmatov, Yoshlar bilan ishlash, ma’naviyat va ma’rifat bo’lim boshlig’i E.Husanov, Biznesni boshqarish va axborot texnologiyalari fakulteti dekan o’rinbosari A.Jaborov va fakultetning talaba-yoshlari ishtirok

Soʻzga chiqqan, Kattaqo‘rg‘on shahar IIB huzuridagi tergov bo‘limi boshlig‘i, mayor O.Axmatov mamlakatimizda qonunchilik tizimidagi o‘zgarishlar, jinoyatchilikning kelib chiqish sabablari, yoshlar orasida jinoyatchilik, giyohvandlik va boshqa salbiy illatlarni oldini olish bo‘yicha  hamda ularni bartaraf etish uchun olib borilayotgan chora-tadbirlar haqida atroflicha soʻz yuritdilar.

Shuningdek, bugungi kunda yoshlar o‘rtasida jinoyatchilikni oldini olish, turli tavakkalchilikka asoslangan o‘yinlarni o‘ynamaslik, firibgarlik kabi jinoyatlarni sodir etmaslik bo‘yicha tushuntirish ishlari olib borilayotganini alohida takidlab o’tdi.

Tadbir so‘ngida talabalar o‘zlarining qiziqtirgan savollar bilan mutaxassis murojaat qilishib, va huquqbuzarlikka oid qonuniy asoslar va jinoyatning salbiy oqibatlariga haqida kerakli ma’lumotlarga ega bo‘lishdi.

SamDU Kattaqo’rg’on filiali

          Axborot xizmati