SamDU Kattaqo’rg’on filiali Pedagogika va tillarni o’qitish fakulteti Axborot-resurs markazida yoshlar ma’naviyatini yuksaltirish va kitobxonlik targ’ibotini kuchaytirish maqsadida, “Kitobxonlik haftaligi” doirasida “Men do’stimga kitob sovg’a qilaman” mavzusida kitob yarmarkasi tashkil etildi.
Talaba-yoshlarni kitobxonlikka qiziqtirib, kitob mutolaasiga jalb etish va bo‘sh vaqtlarini mazmunli o‘tkazishga yo‘naltirilgan tadbirda so‘nggi yillarda yurtimizda kitobxonlik madaniyati va kitob mutolaasiga qaratilayotgan yuksak e’tiborning mazmun-mohiyati haqida atroflicha fikr yuritildi. Kitob insonning fikrlash qobiliyatini harakatga keltiradigan eng buyuk kashfiyotlardan biri ekani ta’kidlandi.
Bayramona kayfiyatda o‘tkazilgan kitob yarmarkasida fakultetning professor-o‘qituvchilari, ARM xodimlari, tyutor va talaba-yoshlar faol ishtirok etdi.
