Shu bois, moziy sirlarini, bizning davrimizgacha etib kelgan tarixiy obidalar mahobatini o‘rganish maqsadida 23 aprel kuni Samarqand Davlat universiteti Kattaqo‘rg‘on filiali Biznesni boshqarish va axborot texnologiyalari fakulteti “Ijtimoiy ish” ta’lim yo‘nalishi talabalarini “Vatan bo`ylab sayohat” shiori ostida Samarqand shahriga sayohati oliygoh homiyligida tashkil etildi.

          Qadimiy va hamisha navqiron Samarqand  betakror sharqona qiyofasi, boy tarixi, har qanday odamni hayratga soladigan noyob obidalari bilan afsonaviy shahar sifatida mashhur. Rim bilan bir qatorda turadigan “abadiy shahar” degan nom bilan Sharq gavhariga, butun jahon ahlining albatta kelib ko‘rishi shart bo‘lgan 50 ta shaharning biriga aylandi.

          Filiali talabalari dastlab,Samarqand viloyati Oqdaryo tumanidagi Dahbed shaharchasida joylashgan Mahdumi A`zam ziyoratgohida bo’lishdi.

          Shundan so’ng, talabalarimiz Registon ansambli, Amir Temur maqbarasi, Mirzo Ulug‘bek rasadxonasi va muzeyi, Shohi Zinda majmuasi bilan birga O‘zbekiston Respublikasi birinchi prezidenti Islom Karimovning abadiy qarorgohini ham ziyorat qildilar.

          Ziyorat davomida talabalar Imom Al-Buxoriy bobomizning hayoti va ijodi haqida kerakli ma’lumotlarga ega bo‘lishdi, ayniqsa, guruhlarda uzoq viloyatlardan ya’ni Surxandaryo, Andijon, Xorazm, Farg‘ona va boshqa viloyatlardan kelib tahsil olayotgan talabalarimiz uchun bu ziyoratgoh joylarimiz juda katta taassurot qoldirdi.

Talabalar ana shunday tarixiy maskanlarga tashriflar tez-tez tashkil etilsa, maqsadga muvofiq bo‘lishini ta’kidlab o‘tishdi.