KATTAQO‘RG‘ON SHAHRIDA YOSHLAR BOG‘I YARATILDI! SAMDU KATTAQO‘RG‘ON FILIALI HAM TASHABBUSKORLARDAN BO‘LDI!
Kattaqo‘rg‘on shahar hokimligi, SamDU Kattaqo‘rg‘on filiali hamda shahar Yoshlar ittifoqi hamkorligida “Yoshlar bog‘i” tashkil qilindi.
“Yashil makon” ezgulik tashabbusi doirasida barpo etilgan bog‘da filialimiz direktori Sh. Urakov rahbarligida professor-o‘qituvchilar hamda talabalarimiz bog‘ga archalar o‘tqazishdi. Ekilgan rang-barang gullar bog‘ tarovatiga yanada fusun kiritdi.
Ushbu tashabbusga bosh-qosh bo‘lgan Kattaqo‘rg‘on shahar hokimi G. Alimova loyiha ishtirokchilariga minnatdorlik bildirib, o‘z takliflarini berdi. Bog‘ barpo etilgan maskan har doim yoshlar e’tiborida bo‘lishi, o‘tqazilgan manzarali daraxtlar doimiy parvarish qilinishi lozimligini ta’kidladi.
Darhaqiqat, Kattaqo‘rg‘onda endi “Yoshlar bog‘i” bor!
