Samarqand davlat universiteti Kattaqo’rg’on filiali Pedagogika va tillarni o’qitish fakultetida Kattaqo’rg’on shahar Ichki ishlar boshqarmasi bilan hamkorlikda huquqbuzarliklar profilaktikasi va jinoyatchilikka qarshi kurashish bo‘yicha talaba-yoshlar hamda Kattaqo’rg’on shahar Ichki ishlar boshqarmasi boshlig’i o’rinbosari mayyor Sherali Yarlakov ishtirokida targ’ibot tadbirlari tashkil etildi.
Tadbirni kirish so’zi bilan Pedagogika va tillarni o’qitish fakulteti dekani Anvar Sobirov ochib berdi.
Tadbirda ichki ishlar xodimi mayyor Sherali Yarlakov so’zga chiqib, viloyat ududida yoshlar tomonidan sodir etilayotgan huquqbuzarlik va jinoyatlar xusuhsida so’z yuritib, keyingi vaqtlarda yoshlar orasida giyohvand moddalar iste’moli, ularning noqonuniy savdosi bilan bog’liq jinoyatlar sodir etilayotganligi, shuningdek ijtimoiy tarmoqlar orqali sodir etilayotgan o’g’irlik va firibgarlik jinoyatlarining turli ko’rinishlari, ularni sodir etishning usul va uslublari, yangicha ko’rinishlari, ijtimoiy tarmoqlar orqali yoshlarimiz ongini zaharlash orqali turli yot g’oyalar ta’siriga tushib qolish holatlari va qasddan tan jarohati etkazish bilan bog’liq jinoyatlar, erta turmush, erta tug’ruq, o’z joniga qasd qilish borasidagi yuzaga kelayotgan muammolar haqida to’xtalib o’tdi.
Shu yerning o’zida talabalarga firibgarlik va o’g’irlik jinoyatlarini barvaqt oldini olishga qaratilgan, fuqarolarni ogohlikka chaqiruvchi Ichki ishlar boshqarmasi tomonidan tayyorlangan bukletlar tarqatildi.
Mutasaddilar tomonidan yoshlarni qiziqtirgan barcha savollarga batafsil javob berilib, ularning huquqbuzarlik va jinoyatlarni barvaqt oldini olishga qaratilgan chora tadbirlar yuzasidan taklif hamda tavsiyalari berildi.
