fbpx

Oliy va o‘rta maxsus ta’lim vazirligining 2022-yil 11-apreldagi 14-q/q-sonli, O‘zbekiston Respublikasi Madaniyat vazirligining 2022-yil 11-apreldagi 01-05-08-sonli, O‘zbekiston Respublikasi Yoshlar ishlari agentligining 2022-yil 11-apreldagi 01-07/14-sonli qo‘shma qarorlari ijrosini ta’minlash maqsadida Oliy talim muassasalarida o‘tkaziladigan “Yilning eng faol talabalar teatr studiyalari” tanlovining 3-mintaqaviy bosqichi 2022-yil 2-iyun kuni TTA Urganch filialida bo‘lib o‘tgan edi.

Tanlov natijalariga ko‘ra, “Eng yaxshi spektakl” nominatsiyasi bo‘yicha Samarqand davlat universiteti Kattaqo‘rg‘on filialining “Majidiy izdoshlari” talabalar teatr studiyasi jamoasi “Asalari ibrati” spektakli uchun mutloq g‘olib deb topilib, respublika bosqichiga final yo‘llanmasini qo‘lga kiritishdi.

Shu munosabat bilan Kattaqoʼrgʼon shahar hokimligi hamda Yoshlar ishlari agenligi hamkorligida joriy yilning 9 iyun kuni Kattaqoʼrgʼon shahar drama teatrida SamDU Kattaqoʼrgʼon filialining “Eng yaxshi talabalar teatr studiyalari” nominatsiyasi hududiy bosqichi gʼolibi “Majidiy izdoshlari” teatr jamoasining “Аsalari ibrati” deb nomlangan spektakli namoyish etildi.

Tadbirni filialning Yoshlar masalalari va ma’naviy-ma’rifiy ishlar boʻyicha direktor oʻrinbosari Sh.Mustafayev kirish so’zi bilan ochib berdi.

Tadbirda ishtirok etgan Kattaqoʼrgʼon shahar hokimi Gavhar Аlimova spektakl haqida, uning tarbiyaviy ahamiyati va rollarni talabalar tomonidan mahorat bilan ijro etilganligi yuzasidan oʼzining iliq fikrlarini bildirdi hamda kelgusida yosh teatr jamoasidan mana shunday ajoyib spektakllar kutib qolishini taʼkidladi.

Samarqand davlat universiteti Kattaqo’rg’on filial direktori Sherzod Urakov tanlovlarda ishtirok etib munosib o‘rinni qo’lga kiritgan talaba-yoshlarga jamoa nomidan tabrikladi hamda Respublika bosqichida ham omadlar tilagan holda bugungi tadbirni tashkil qilgan Kattaqoʼrgʼon shahar hokimi Gavhar Аlimova va shahar Yoshlar ishlari agentligiga o’z minnatdorchiligini bildirdi.

Tadbir so’ngida “Majidiy izdoshlari” teatr jamoasi ishtirokchilari Kattaqoʼrgʼon shahar hokimi Gavhar Аlimova va shahar Yoshlar ishlari agentligi tomonidan tashakkurnoma va esdalik sovg’alari bilan taqdirlandilar.