Bugungi kunda internet olamida keng uchrayotgan jinoyatlar, jumladan, gʻoyaviy va texnik buzgʻunchiliklar, jabrlanuvchilarning internet-madaniyati meʼyorlariga rioya qilmasligi oqibatida yuzaga kelmoqda. Shuning uchun ham aholining barcha qatlamlarini oʻz ichiga oluvchi kompleks targʻibot ishlarini amalga oshirish, kibertahdidlarning oldini olish muhim ahamiyat kasb etmoqda.
Jahonda g‘oyaviy-mafkuraviy kurashlar keskin davom etayotgan, ma’naviy tahdidlar kuchayib borayotgan hozirgi davrda yoshlar o‘rtasida milliy qadriyatlarga bepisandlik, zararli yot g‘oyalar ta’siriga berilish, jinoyatchilik va ekstremizm harakatlariga adashib qo‘shilib qolish holatlari hamon uchramoqda.
Ma’naviy-ma’rifiy ishlarning ta’sirchanligini oshirish, ma’naviyat sohasidagi ichki va tashqi tahdid hamda xavf-xatarlarga qarshi samarali kurashish, jamiyatda mafkuraviy immunitetni mustahkamlash, maqsadida SamDUKF Biznesni boshqarish va axborot texnologiyalari fakultetida “Internet maydonidagi ma`naviy tahdidlar va ularga qarshi kurashishning usullari” mavzusida davra suhbati bo’lib o’tdi.
Tadbirda fakulteti Yoshlar masalalari va ma‘naviy-ma‘rifiy ishlar bo‘yicha dekan o‘rinbosari A.Jabborov, o’qituvchi O.Sadullayev va fakultet tyutori A.Muxammadiyevlar ishtirok etdi.
Tadbida fakultetning informatika o’qituvchisi O.Sadullayev ma’ruza qilib, maʼnaviy tahdidlarning hozirda keng tarqalgan turlari – aqidaparastlik va diniy ekstremizm, ulardan saqlanish, eʼtiborsiz ravishda internetning turli nosogʻlom makonlariga kirib, ushbu illatlar domiga tushib qolmaslik kabi dolzarb masalalar yuzasidan tushuntirishlar berdi.
Internetdagi turli xil qimor oʻyinlarining ayanchli oqibatlari hayotiy misollar bilan gapirib berib, talabalarni ogohlikka chaqirdi.
Tadbir davomida talabalar oʻzlarini qiziqtirgan savollari bilan faol ishtirok etdilar.
