SamDU Kattaqo‘rg‘on filialining “Majidiy izdoshlari” teatr jamoasining erishib kelayotgan yutuqlaridan xabaringiz bor. Bugun ushbu yosh iqtidor egalari yana sahnada, bellashuvda… Ayni paytda Samarqand shahridagi viloyat qo’g‘irchoq teatrida “Yilning eng faol talabalar teatr studiyalari” respublika tanlovining viloyat saralash bosqichi bo‘lib o‘tmoqda. Unda SamDU Kattaqo‘rg‘on filialining iste’dodli talabalaridan iborat “Majidiy izdoshlari” teatr jamoasi ham Chingiz Aytmatovning “Erta qaytgan turnalar” asari asosida sahnalashtirilgan spektakni ijro etishmoqda. Tanlovda viloyatimizdagi oliy ta’lim muassasalarining jamoalari ham ishtirok etmoqda. Ma’lumot o‘rnida, “Majidiy izdoshlari” talabalarimiz teatr jamoasi “Yilning eng faol talabalar teatr studiyalari” respublika tanlovining viloyat va hududiy bosqichlarida g‘oliblikni qo‘lga kiritgan hamda final bosqichida muvaffaqiyatli ishtirok etgan.
