fbpx

Mamlakatimiz ta’lim tizimini tubdan takomillashtirish, uning sifati hamda samaradorligini oshirish, ta’lim muassasalarining moddiy-texnika bazasini mustahkamlash borasida keng ko‘lamli ishlar olib borilmoqda. Shu bilan birga, oliy o‘quv yurtlarining shaffofligini ta’minlash, jinoyatchilik, giyohvandlikka qarshi kurashish, ta’limdagi korrupsiya va poraxo‘rlikning oldini olishga ham astoydil kirishilgan.

Shu bois, kuni kecha jinoyatchilikni oldini olish, korrupsiyasiz ta’lim jarayonini tashkil etish, giyohvandlikka qarshi kurashish mavzularida o’tkazilgan tadbirda Kattaqo’rg’on shahar ichki ishlar huzuridagi tergov bo’limi hodimlari N,Yuldashov, O.Nematov, M.To’xtayev, B.Ochilov, filialning Yoshlar masalalari va ma’naviy-ma’rifiy ishlar boʻyicha direktor oʻrinbosari  Sh.Mustafayev, direktor maslahatchisi S.Eshonqulov, “Komplayens nazorat” tizimini boshqarish boʻlimi boshlig’i E.Xudoyqulov, Pedagogika va tillarni o’qitish fakulteti dekan o’rinbosari J.Abdurahmonov hamda filialning profesor-o‘qituvchilari va talabalar ishtirok etishdi.

TadbirniYoshlar masalalari va ma’naviy-ma’rifiy ishlar boʻyicha direktor oʻrinbosari Sh.Mustafayev kirish so’zi bilan ochib, filialda bu borada kompleks dastur ishlab chiqilganligi, uning ijrosini ta’minlash maqsadida ko’plab ishlar amalga oshirilayotganligi va ularning natijasi o’laroq bugungi kunga qadar filialda huquqbuzarlik holatlari qayd etilmaganliginini alohida takidlab o’tdi.

Ushbu tadbirda tashrif buyurgan IIB tergov bo’limi xodimlari korrupsiya xos illatlarining jamiyat uchun, insoniyat uchun salbiy, zararli oqibatlari to‘g‘risida talaba-yoshlarga tushunchalar berdilar. Qonunchilik tizimidagi o‘zgarishlar, ma’naviy-marifiy ishlar samaradorligini oshirish, yoshlarni Vatanga muhabbat ruhida tarbiyalash, bo‘sh vaqtlarini mazmunli o‘tkazish, jinoyatchilikning kelib chiqish sabablari, yoshlar orasida giyohvandlik, jinoyatchilik, huquqbuzarlik va boshqa salbiy illatlarni oldini olish bo‘yicha olib borilayotgan ishlar haqidagi ma’ruzalari tinglandi

Shuningdek, hozirda yoshlar orasida uchrayotgan turli huquqbuzarlik va jinoyatchiliklar holatlari hamda viloyatimizda bularni oldini olish borasida qilinayotgan ishlar haqida maʼlumot berdi. Hayotiy misollar keltirib, talaba-yoshlarni ogohlikka chaqirdi.

O‘zbekiston Respublikasi Jinoyat Kodekisning  XV-bobi 210-moddasida pora olish,  211-moddasida pora berish va 212-moddasida poraolish-berishda vositachilik harakatlariga belgilangan tartibda jinoiy javobgarlik belgilanganligi to‘g‘risida yig‘ilganlarga batafsil ma‘lumot berib o‘tildi.

Suhbat yakunida ishtirokchilar o’zlarini qiziqtirgan boshqa savollariga ham soha mutaxassislari tomonidan batafsil javob oldilar.