Prezidentimizning mamlakatimizda ta’lim sohasini rivojlantirish, oliy va o‘rta maxsus hamda umumta’lim muassasalarining mustahkam hamkorlikda faoliyat olib borishiga doir tegishli farmon va qarorlarining ijrosini ta’minlash maqsadida SamDU Kattaqo‘rg‘on filiali rahbar xodimlari va professor-o‘qituvchilari maktablarda bo‘lib, ta’lim sifatini yanada oshirishga, pedagoglarga metodik yordam berishga alohida e’tibor qaratishmoqda.
Filialning Pedagogika va tillarni o‘qitish fakulteti dekani, dotsent Anvar Sobirov hamda fakultet professor-o‘qituvchilari Kattaqo‘rg‘on tumanidagi 66-maktabda bo‘lishdi.
O‘quvchilarning fanlarni o‘zlashtirishi, pedagoglar mas’uliyati, ta’lim-tarbiya jarayonlarining to‘g‘ri tashkil qilinayotgani, DTS talablariga rioya qilinayotgani alohida e’tiborga olindi.
10-11-sinflarning bilim darajasi va savodxonligi sinovdan o‘tkazilib, diktant va fanlardan yozma ishlar olindi.
Ularni oliy ta’limga yo‘naltirish bo‘yicha tavsiyalar berildi.
[supsystic-gallery id=16 position=center]