ERKIN VOHIDOV TAVALLUD TOPGAN KUNI KENG NISHONLANMOQDA
O‘zbek adabiyoti va madaniyati rivojiga unutilmas hissa qo‘shgan atoqli ijodkor, O‘zbekiston Qahramoni, O‘zbekiston xalq shoiri Erkin Vohidov tavalludining 85 yilligini keng nishonlash va xotirasini abadiylashtirish borasidagi ezgu ishlar olib borilmoqda.
Xususan, Samarqand davlat universiteti Kattaqo‘rg‘on filiali Pedagogika va tillarni o‘qitish fakultetida ham seminar bo‘lib o‘tdi.
Seminarda SamDU KF direktor o‘rinbosari Sh. Mustafayev, Pedagogika va tillarni o‘qitish fakulteti dekani o‘rinbosari J.Abdurahmonov, fakultetning o‘qituvchilari D.Soyipova, N.Abdumannatova hamda talabalar ishtirok etgan tadbirda ijodkorning hayot va ijodi haqida ma’lumot berildi.
Filial axborot resurs markazi hamkorligida tashkil qilindan tadbirda shoirimizning ijodiy merosi yosh avlodni Vatanga muhabbat va sadoqat, milliy va umuminsoniy qadriyatlar ruhida tarbiyalashda o‘ziga xos maktab ekanini ta’kidlashdi. Talabalar tomonidan shoir ijodidan namunalar aytildi.
