Yoshlarga munosib mеhnat sharoitlarini yaratish va mеhnatga oid qonuniy huquqlarini himoya qilish orqali ularning iqtisodiy huquq va imkoniyatlarini kеngaytirishga alohida e’tibor qaratilmoqda.

Shu Jumladan, Samarqand davlat universitetining Kattaqo’rg’on filialida  ham Oʻzbekiston Respublikasi Prezidenti Shavkat Mirziyoyev raisligida joriy yilning 4-mart kuni oliy oʻquv yurtlari talabalari bandligini taʼminlash boʻyicha ustuvor vazifalarga bagʻishlangan videoselektor yigʻilishida berilgan topshiriqlar ijrosini taʼminlash maqsadida Kattaqo’rg’on shahar maktabgacha taʼlim boshqarmasi bilan hamkorlikda filialning 60 dan ortiq talabalari oʻrtasida Mehnat yarmarkasi hamda davra suhbati boʻlib oʻtdi.

Ochiq muloqot tarzida o’tkazilgan ushbu tadbirda SamDU Kattaqo’rg’on filiali talabalari va masʼul xodimlari, Kattaqo’rg’on shahar Maktabgacha taʼlim boʻlimi vakillari hamda 20 dan ortiq maktabgacha taʼlim tashkilotlarining direktorlari oʻzlarida mavjud boʻsh ish oʻrinlari bilan ishtirok etdilar.

Tadbirni filialning Yoshlar masallalari va ma’naviy-ma’rifiy ishlar bo’yicha direktor o’rinbosari Shomurod Mustafayev ochib berdi.

Kattaqo’rg’on shahar Maktabgacha taʼlim boʻlimi mudiri U.I.Djalolov so’zga chiqib, talabalarni maktabgacha taʼlim tashkilotlardagi boʻsh (vakant) joylar bilan tanishtirdi hamda bugungi kun holatiga ko’ra respublikamizda o‘n mingdan ziyod MTT faoliyat yuritib kelayotgani shu bois, har bir tashkilotda oliy ma’lumotli kadrlarga ehtiyoj borligini, bu esa ushbu ehtiyojni bosqichma-bosqich qondirib borish masalasi har ikki tomonga o’lkan masʼuliyat yuklashini alohida ta’kidlab o’tdi.

Berilgan topshiriqlar ijrosini ta’minlash maqsadida Samarqand davlat universiteti Kattaqo‘rg‘on filiali hamda Kattaqo’rg’on shahar Maktabgacha taʼlim boʻlimi o’rtasida hamkorlik memorandumi imzoladi.

Mehnat yarmarkasi jarayonida bir necha maktabgacha taʼlim tashkilotlari bilan talabalar oriasida shartnomalar imzolandi.

Tadbir yakunida kelgusida talabalarni ish bilan band qilish hamda yoshlarni bandlik qamrovini yanada kengaytirish masalalarida hamkorlikni yanada kuchaytirishga kelishib olindi.