Samarqand davlat universiteti Kattaqo’rg’on filiali Pedagogika va tillarni o’qitish fakulteti talabalari bilan “Yoshlarning aqidaparast oqimlar ta’siridan saqlash, missionerlikka qarshi kurashish” va “Milliy libos ma’naviyat ko’zgusi” mavzularida axborot soati o’tkazildi. Axborot soatiga talabalari orasida ijtimoiy-ma’naviy muhit barqarorligini ta’minlashga mas’ul bo‘lgan direktor maslahatchisi Sanjar Eshonqulov taklif etildi.

Axborot soatini fakultet dekani Anvar Sobirov kirish so’zi bilan ochib, o‘zbekona kiyinish madaniyatini targ‘ib qilish, zamonaviy kiyinishda o‘zbekona sharm-hayo me’yorlariga amal qilish, milliy an’analarimizni keng targ‘ib qilish orqali urf-odat va qadriyatlarimizga xos bo‘lmagan kiyinish uslublariga taqlidning oldini olish, yoshlarda milliy kiyinish madaniyatini shakllantirish, oliy ta’lim muassasasida kiyinish odobi va me’yorlariga rioya qilish bo‘yicha o’z fikrlarini bildirdi.

Shundan so’ng C. Eshonqulov so’zga chiqib, terrorizm tinchlik, xavfsizlik va barqarorlikka eng jiddiy tahdidlardan biri ekanini, inson huquqlarini poymol etishini va mamlakatimizning ijtimoiy-iqtisodiy rivojlanishiga qarshi turishini ta’kidladi. Jamiyatimizning ayniqsa, zaif qismi globallashuv va erkin axborot almashish davrida ijtimoiy tarmoqlar ta’siriga duchor bo‘layotganlar aynan yoshlar ekanligi, ijtimoiy tarmoqlardan foydalanishda ehtiyot boʻlish kerakligi va bilib-bilmay har-xil saytlarga kirmaslik kerakligi haqida a’lohida to’xtalib o’tdi.

Axborot soati juda mazmunli va qiziqarli davra suhbati ko’rinishida bo’lib o’tdi. Suhbat so’ngida talabalar o’zlarini qiziqtirgan savollariga javob oldishdi.