SamDU Kattaqo’rg’on filialida Oliy ta’lim, fan va innovatsiyalar vazirligining 2023-yil 18-sentabrdagi 02/02-02/2-98-sonli xati ijrosini ta’minlash maqsadida, “Huquqiy savodxonlik oyligi” doirasida oliy ta’lim muassasalarida “Yangi O‘zbekiston va inson huquqlari” mavzusiga bag‘ishlangan darslar o‘tkazish to‘g‘risidagi topshiriq ijrosini ta’minlash maqsadida filialda barcha yoʻnalish va kurslar talabalari va professor-o‘qituvchilari ishtirokida ma‘ruza darslari tashkil etildi.
Jumladan,bugun 8 noyabr kuni Aniq va tabiiy fanlar fakulteti Yoshlar masalalari ma’naviy va ma’rifiy ishlar bo’yicha dekan o’rinbosari A. Jabborov, “Gumanitar fanlar” kafedrasi mudiri, J.Quchqorov, tyutor B.Yo‘ldoshevlar tomonidan fakultet talabalari bilan birgalikda “Yangi O‘zbekistonda inson huquqlari” mavzusida tadbirlar davom ettirildi.
Jarayonda yurtimizdagi keng ko‘lamli demokratik o‘zgarishlar, yangilangan Konstitutsiyada inson huquq va erkinliklari kafolatlanganligi, asosiy e’tibor inson omiliga qaratilayotganligi ayniqsa, xotin-qizlarga berilayotgan imtiyozlar to‘g‘risida to‘xtalib o‘tildi. Inson huquq va manfaatlarini ishonchli himoya qilish borasida olib borilayotgan islohotlar, ularning huquqiy madaniyatini yuksaltirish haqida so‘z yuritildi.
Jamiyatimizda inson huquq va erkinliklarini hurmat qilish madaniyatini shakllantirish orqali mamlakatimizning xalqaro nufuzini yanada oshirish borasida amalga oshirilayotgan ishlar xususida o‘z fikr-mulohazalarini bildirdi.
Tadbirda talabalar oʻzlarini qiziqtirgan savollarga batafsil javob olishdi.