Mamlakatimizda so‘nggi yillarda yoshlar siyosatida amalga oshirilgan keng ko‘lamli islohotlar yoshlarning bandligini ta’minlash va bo‘sh vaqtini mazmunli o‘tkazish uchun muhim poydevor bo‘ldi hamda yoshlarimizning munosib hayot kechirishi, ularning bunyodkorlik salohiyatini ro‘yobga chiqarish uchun zarur shart-sharoitlar yaratilmoqda.
Barchamizga yaxshi ma’lumki, yoshlarning jo‘shqinligi va shijoati mamlakat taraqqiyotida beqiyos kuchdir. Ular qalbida vatanparvarlik tuyg‘ularini mustahkamlash, kelajakka ishonchini oshirish azaliy an’ana va qadriyatlarning umrboqiyligini ham ta’minlaydi.
Aytish joiz, yurtimizda aynan yoshlar masalasiga e’tibor davlatimiz siyosatining eng ustuvor yo‘nalishlaridan biri etib belgilangan.
Shu bois, Samarqand davlat universiteti Kattaqo‘rg‘on filiali Biznesni boshqarish va axborot texnologiyalari fakulteti talabalariga fakultetning Yoshlar masalalari va ma‘naviy-ma‘rifiy ishlar bo‘yicha dekan o‘rinbosari A.Jabborov, o’qituvchi B.Bozorov va fakultet tyutori A.Muxammadiyevlar tomonidan “Vatan kelajagi uchun barchamiz daxldormiz” mavzusida davra suhbati tashkil qilindi.
Suhbat davomida yoshlar ongida Vatanimiz tarixi, milliy va umuminsoniy qadriyatlarni o‘rganish, yoshlarning o‘z iqtidorlarini namoyish etishlari uchun yurtimizda shart-sharoitlar yaratilayotganligi, mustaqil va erkin fikrga ega iste’dodli yoshlarning har tomonlama qo‘llab-quvvatlanishi to’g’risida to’xtalib o’tildi.
