Yurtimizda keksa avlod vakillariga yuksak e’tibor va g‘amxo’rlik ko‘rsatilishi bilan birga ularning hayotiy tajribalaridan foydalanishga ham alohida e’tibor qaratilgan. Albatta, bu boradagi ishlarni tashkil qilishda keksa avlod vakillari bilan o‘tkazilayotgan uchrashuvlarning ahamiyati katta bo‘lmoqda.
Shu bois, bugun SamDU Kattaqo’rg’on filialida shahrimizda turli sohalarda faoliyat yuritgan, bugungi keksalik gashtini surayotgan otaxon va onaxonlar ishtirokida “Uch avlod uchrashuvi” tadbiri o‘tkazildi.
Mazkur tadbirrda “Nuroniy” jamg‘armasi Kattaqo‘rg‘on shahar Kengashi raisi Anvar Masharipov, shahardagi mahalla fuqarolari yig‘inlarining “Keksalar maslahat guruhi” a’zolari, faol nuroniylar hamda talabalar ishtirok etishdi.
Uchrashuvdan ko’zlangan asosiy maqsad, yoshlarni Vatanga muhabbat va sadoqat, milliy va umuminsoniy qadriyatlarga hurmat ruhida tarbiyalash, ularni har tomonlama barkamol, mustaqil fikrlaydigan, mamlakatimiz istiqboli va Vatan taqdiri, yurt tinchligi va himoyasi yoʻlida bor salohiyati bilan masʼuliyatni oʻz zimmasiga olishga ma’suliyatli kadr qilib tarbiyalashga qaratildi.
Tadbirda talaba-yoshlar faxriy mehmonlarga oʻzlarini qiziqtirgan savollar bilan yuzlanib, kerakli javoblar oldilar.