SamDU Kattaqo’rg’on filialida O‘zbekiston Respublikasi Prezidenti Sh.Mirziyoyev rahbarligida 2024-yil 5-fevral kuni ijtimoiy sohalardagi ustuvor vazifalar muhokamasi yuzasidan kengaytirilgan tarzda o‘tkazilgan videoselektor yig‘ilishida belgilangan vazifalar ijrosini hamda O’zbekiston Respublikasi Oliy ta’lim, fan va innovatsiyalar vazirining 2024-yil 30-iyuldagi 269-sonli buyrug‘i ijrosini ta’minlash maqsadida 2024-2025-o’quv yilida talabalarni turar joy bilan tezkor ta’minlash bo’yicha amalga oshiriladigan ishlar bo’yicha mas’ullar ishtirokida davra suhbati hamda seminar-trening bo’lib o’tdi.
So’zga chiqqan filial direktorining birinchi o’rinbosari Sh.Mustafayev 2024-yil 30-iyulda Oliy ta’lim, fan va innovatsiyalar vazirligining ushbu dolzarb vazifalarga bag’ishlangan buyrug’i qabul qilinganligi, unga ko’ra 1-avgustdan 10-sentabrgacha talabalarni munosib kutib olish, turar joy bilan tezkor ta’minlash, bu borada yuzaga keladigan muammolarni o’z vaqtida bartaraf etish maqsadida “Dolzarb qirq kunlik” e’lon qilinganligini ta’kidladi.
Bu bo’yicha fakultet dekanlari, dekan o’rinbosarlari, TTJ mas’ullari va tyutorlarga muhim topshiriqlar berildi.
Shuningdek, talabalarni Axborot tizimidan foydalanish, arizalarni ko’rib chiqish va tavsiya qilish bo’yicha seminar-trening tashkil qilinib, mas’ullarga zarur tavsiyalar berildi.
Ma’lumot o’rnida, talabalar Yagona interaktiv davlat xizmatlari portali orqali 15-avgustga qadar 2 va undan yuqori kurslarga o’tgan talabalar TTJda turish bo’yicha onlayn ariza berishlari mumkin.