Kattaqo’rg’on shahridagi drama teatrida SamDU Kattaqo‘rg‘on filialining “Majidiy izdoshlari” talabalar teatr studiyasi Chingiz Aytmatovning “Erta qaytgan turnalar” asari asosidagi spetakl namoyish etildi.
Daxshatli urushning, qardoshlarimiz, xalqimiz, ota-bobolarimiz boshiga solgan ko’rguliklari, otasiz qolgan go’daklarning yelkasiga tushgan mashaqqat, el boshiga tushgan tashvish iqtidorli va iste’dodli talabalarimiz tomonidan mahorat bilan ijro etildi. Asar qahramonlarining qalbidan his etganlari tomoshabin qalbiga ko’chdi, ko’zlar yoshdan o’zini tiya olmadi.
Ta’kidlash joizki, “Majidiy izdoshlari” ushbu sahna asari orqali “Eng yaxshi talabalar teatr studiyalari” respublika tanlovining Samarqand viloyati bosqichi hamda Qashqadaryoda o’tgan mintaqaviy bosqichida g’olib bo’lib, finalga yo’llanma oldi.
Biz talabalarimizning finalda ham tomoshabin qalbini zabt etib, faxrli birinchi o’rinni olishiga ishonamiz!