SamDU Kattaqo‘rg‘on filialida 21-oktabr – O‘zbek tili bayrami kuni munosabati bilan SamDU O‘zbek tilshunosligi kafedrasi mudiri, dotsent Shavkat Mahmadiyev bilan uchrashuv tashkil qilindi.
Unda filial direktorining birinchi o‘rinbosari Sh.Mustafayev, Pedagogika va tillarni o‘qitish fakulteti dekani A.Sobirov, O‘zbek tili va gumanitar fanlar kafedrasi mudiri J.Qo‘chqorov hamda talabalar va professor-o‘qituvchilar ishtirok etdi.
Olim o‘zbek tilining tarixi bir necha ming yilliklarga borib taqalishi, rivojlanish bosqichlari, bugun davlat maqomiga ega bo‘lgan sanoqli tillardan biri ekanligi haqida qimmatli ma’lumotlarni yetkazdi.
Shundan so‘ng Xorijiy til va adabiyoti: ingliz tili 2-kurs talabalarining badiiy chiqishlari namoyish etildi.
