SamDU Kattaqo’rg’on filiali talaba-yoshlarining ma’naviyatini yuksaltirish, ularda vatanparvarlik tuyg‘usini shakllantirish hamda bo‘sh vaqtlarini mazmunli o‘tkazish maqsadida joriy yilning 25 oktabr kuni filialining professor-oʼqituvchilari va talaba-yoshlari Kattaqo‘rg‘on shahar drama teatri tomonidan sahnalashtirilgan “Erta qaytgan turnalar” nomli spektaklini tomosha qildilar.
Milliy madaniyatimizning uzviy qismi boʼlgan teatr sanʼati xususida soʼz borar ekan, buyuk maʼrifatparvar Mahmudxoʼja Behbudiyning “Teatr – bu ibratxonadur” deb aytgan fikrini eslash oʼrinlidir.
Zero, teatr maʼrifat ulashuvchi, sahna va tomoshabin oʼrtasida jonli muloqot oʼrnatuvchi maskan boʼlib, bu dargohda yuksak fazilatlar hamda umuminsoniy gʼoyalar tarannum etiladi.
Kattaqo‘rg‘on shahar drama teatrida bo’lib o’tgan ushbu spektaklni talabalar zo‘r qiziqish bilan tomosha qilishdi. Bu tashrif talabalarda katta taassurotlar uyg‘otdi, mushohadaga chorladi. Tashrif talabalarni teatrga bo‘lgan mehrlarini yanada yuksaltirgan bo‘lsa ajab emas.