“Yangi hayot uchun, yangi O’zbekiston uchun!” shiori ostida o’tkazilayotgan navbatdagi “Mahallada duv-duv gap” targ‘ibot tadbirlari Kattaqo’rg’on shahar “Soʻfi Olloyor” mahallasida ham yuqori saviyada tashkil etildi.
Davlatimiz rahbari raisligida 2023-yil 22-dekabr kuni о‘tkazilgan Respublika Ma’naviyat va ma’rifat Kengashi yig‘ilishida berilgan topshiriqlar asosida tashkil etilgan ushbu tadbirlarda SamDU Kattaqo‘rg‘on filiali professor-o‘qituvchilari faol ishtirok etdilar.
Tadbirda so‘zga chiqqanlar mamlakatimizda bugungi kunda inson manfaatlari, qadr-qimmatini ulug‘lash, ma’naviy-ma’rifiy sohalarni yanada rivojlantirish, aholi uchun munosib turmush sharoitlarini yaratish borasidagi ishlar haqida gapirdilar.
Ushbu targ’ibot tadbirlaridan maqsad – Yangi О‘zbekistonni bunyod etish yо‘lida amalga oshirilayotgan keng kо‘lamli islohotlar hamda erishilayotgan yutuqlarni xalqimizga hayotiy misollar va dalillar orqali sodda, tushunarli shaklda yetkazishdan iborat.