Targ‘ibot tadbirlarining navbatdagisi Kattaqo’rg’on shahridagi “Noqis” mahallasida o‘tkazildi. 2-maktabda tashkil qilingan tadbir “Yangi hayot uchun, yangi O‘zbekiston uchun” shiori ostida bo‘lib o‘tdi. Unda mahalla fuqarolari, SamDU Kattaqo‘rg‘on filiali o‘qituvchilari, ijodkorlar ishtirok etdi.
Targ‘ibot tadbirida so’zga chiqqan “Ilmiy tadqiqotlar, innovatsiyalar va ilmiy pedagogik kadrlar tayyorlash sektori bo‘limi” boshlig‘i M.To‘rayev, mamlakatimizda ma’navityat va ma’rifatni rivojlantirish borasidagi ishlar hamda aholi uchun munosib turmush sharoitini yaratish borasidagi islohotlar haqida so‘z yuritdi.
Ushbu targ’ibot tadbirlaridan maqsad – Yangi О‘zbekistonni bunyod etish yо‘lida amalga oshirilayotgan keng kо‘lamli islohotlar hamda erishilayotgan yutuqlarni xalqimizga hayotiy misollar va dalillar orqali sodda, tushunarli shaklda yetkazishdan iborat.