SamDU Kattaqo’rg’on filiali O‘zbekiston yoshlar ittifoqi filial boshlang‘ich tashkiloti yetakchisi va koordinatorlari, guruh liderlari, “Zakovat” intellekual musobaqalarni tashkil etishda faol ishtirok etgan talabalar Buxoro viloyatiga tashrif buyurishdi.
Dastlab, Buxoro shahrining yangi qismini, mustaqillik yillaridan bunyod bo‘lgan hududlarini tomosha qilgan talabalar inson qo‘li naqadar go‘zallik va obodlik yarata olishiga amin bo‘ldilar.
So‘ng esa eski shahardagi qadimiy go‘shalarni, osori atiqalarni, ajdodlarimiz tomonidan bunyod etilgan obidalarni, maqbaralarni va masjidlarni tomosha qilishdi.
Buxoroga tashrif davomida talabalarni tarixiy obidalar, ziyoratgohlar bilan yaqindan tanishtirish, ularni Vatanimizning uzoq tarixi, ajdodlarimiz qurdirgan jahonga mashhur obidalar haqida tassurotlarini yanada boyitishga asosiy e’tibor qaratildi.
Shubhasiz bu sayohat ularda ona Vatanga muhabbat, ajdodlar merosiga hurmat ruhini shakillantirishga xizmat qiladi.