TALABALARIMIZ, BUGUNIMIZ VA ERTANGI KELAJAGIMIZ DAVOMCHILARI!
Prezidentimizning joriy yilning 13 aprel kuni o‘tkazgan navbatdagi videoselektor yig‘ilishida ham yoshlarimizning kelajagi va ertasi yo‘lida izchil davom etayotgan jarayonlarda barcha tashkilot rahbariyu xodimlari mas’uliyat bilan yondashishi kerakligi aytib o‘tildi. Ushbu yig‘ilishda yoshlarning bandligi, ularning bo‘sh vaqtini mazmunli tashkil etish borasida qator topshiriqlar va imkoniyatlar belgilab berildi.
Shu munosabat bilan Samarqand davlat universiteti Kattaqo‘rg‘on filiali Biznesni boshqarish va axborot texnologiyalari fakulteti talabari bilan ochiq muloqot tarzida tashkilashtirilgan davra suhbati bo’lib o’tdi
Samarqand davlat universiteti Kattaqo‘rg‘on filialining direktori Sh.Urakov so‘zga
chiqib, talabalarning bugungi kuni va ertangi kelajagi haqida va talabalar oldida
turgan asosiy muammolar va ularning yechimlari haqida gapirib o‘tdi.Tadbir savol-javob tarzida davom etdi.
Shuningdek, tadbirda Yoshlar masalalari va ma’naviy-ma’rifiy ishlar boʻyicha direktor oʻrinbosari Sh.Mustafayev va Ijtimoiy-ma’naviy muhit barqarorligini ta’minlashga mas’ul bo‘lgan direktor maslahatchisi S.Eshonqulov, Biznesni boshqarish va axborot texnologiyalari fakulteti dekani S. Rajabovlar ishtirok etishdi.
Tadbirda filialning odob-axloq qoidalari va ichki nizomi tushuntirildi. Yig‘ilish davomida ijarada turuvchi talabalarni ogohlikka chaqirish. talabalarning darsdan bo‘sh vaqtini samarali tashkillashtirish, huquqiy ongini shakllantirish kabi masalalar ko‘rib chiqildi.