Joriy yilning 15-fevral kuni Oliy ta’lim, fan va innovatsiyalar vazirligining 2023-yil 9-avgustdagi 351-son buyrug‘i bilan tasdiqlangan kalendar rejasining 49-bandida berilgan topshiriqlar ijrosini ta’minlash maqsadida filialning sport zalida talaba-qizlari o’rtasida “Sport harakatli o’yinlar” estafetasi tashkil etildi.
Estafeta filial sport klubi raisi J.Karimov va “Maktabgacha va boshlang’ich ta’lim, sport” kafedrasi o’qituvchisi B.Ashurovlar tomonidan o’tkaziladi.
Estafetada filialning barcha fakultetlaridan talaba-qizlar hamda sport klubi a’zolari ishtirok etib, sportning arqon tortish, arg’amchiqda sakrash, basketbol to’pini g’ovlar osha olib yurish va savatga tashlash bo’yicha o’zaro bellashdilar.
Estafetaga ishtirok etish istagida bo’lgan talaba qizlar fakultet tyutorlariga yoki ma’naviy-ma’rifiy ishlar bo’yicha dekan o’rinbosarlariga murojaat qilishdi. Xavfsizlik masalalarini hal etish bo‘yicha filial tibbiyot bo‘limi tomonidan filialga biriktirilgan shifokorlar bevosita ishtirok etdilar. Talaba-qizlar o‘zlarining tezkorliklari va chaqqonliklari bilan volleybol to‘pini qo‘lda olib yurish, yugursh kabi sport o‘yinlarida faol ishtirok etishdilar. Musobaqa tarzida tashkil qilingan estafita sport o‘yinlarida “Yulduzlar” va “Kamolot” guruhlaridan iborat talaba-qizlar qatnashdilar. Har bir jamodagi qizlar o‘z guruhlari bilan birgalikda harakat qilishib, jamoaviy muvaffaqiyatga erishdilar.
Natijalarga ko’ra “Kamolot” guruhi qizlari chaqqonlik va epchilliklari bilan g‘olib bo‘ldilar. Har bir jamoa sardorlari va faol ishtirok etgan qizlar faxrli ishtiroki uchun esdalik sovg‘alar va diplomlar bilan taqdirlandi.