O’zbekiston Respublikasi Prezidentining Yoshlar manaviyatini yuksaltirish va ularning bo’sh vaqtini mazmunli tashkil etish bo’yicha 5 muhim tashabbusning “Yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratishga yoʻnaltirilgan” ikkinchi tashabbusni ijro etish maqsadida filial miqyosida talabalar oʼrtasida “Sport musobaqalari” tashkil etilgan.
Aytish joizki, “Aniq va tabiiy fanlar” kafedrasida 3 yildan buyon an’anaga aylangan sport o’yinlari joriy yilning noyabr oyida o’tkazildi. Shu musobaqada bilan filialning faollar zalida sport sohasida g’olib bo’lgan talabalarni taqdirlash marosimi
o’tkazildi.
Ushbu tadbirda Yoshlar masalalari va maʼnaviy-maʼrifiy ishlar boʼyicha direktor oʼrinbosari Sh. Mustafaev, O’quv ishlari bo’yicha direktor o’rinbosari S.Elmonov,
Ilmiy ishlar va innovatsiyalar boʻyicha direktor oʻrinbosari F.Sirojiddinov, “Ilmiy tadqiqotlar, innovatsiyalar va ilmiy pedagogik kadrlar tayyorlash sektori bo‘limi” boshlig‘i M.To‘rayev, Aniq va tabiiy fanlar fakulteti dekani S.Rajabov, filial professor-oʻqituvchilari hamda talabalar ishtirok etishdi.
Tadbir O‘zbekiston Respublikasining Davlat madhiyasi bilan boshlandi.
Madhiya sadolaridan so‘ng tadbirni Yoshlar masalalari va maʼnaviy-maʼrifiy ishlar boʼyicha direktor oʼrinbosari Sh. Mustafaev ochib berdi.
Shundan so’ng, sport musobaqalarida faxrli o’rinlarni egallagan, qolaversa faol ishtirok etgan talaba-yoshlar filial rahbariyati tomonidan diplom va esdalik sovg’alari bilan taqdirlandi.
Tadbirda talabalarining kuy-qoʼshiq va dilbar navolari ijro etilib, qatnashchilarga xushkayfiyat ulashdi.