“Yangi hayot uchun, Yangi O‘zbekiston uchun!” shiori ostidagi “Mahallada duv-duv gap” targ‘ibot tadbirlari Kattaqo‘rg‘on shahridagi Bahoriston va Kunjupay, Nurobod va Usmon Nosir mahallalarida ham bo‘lib o‘tdi.
Unda hokimlik, sektorlar vakillari, SamDU Kattaqo‘rg‘on filiali Maktabgacha va boshlang‘ich ta’lim kafedrasi mudiri T.Eshquvvatov, O‘zbek tili va gumanitar fanlar kafedrasi mudiri J.Quchqorov hamda kafedralarning o‘qituvchilari ishtirok etib, ma’ruzalar qilishdi.
Targ‘ibot tadbirida yurtimizda xalqimiz farovonligini oshirish, sohalar ravnaq topishi uchun amalga oshirilayotgan ishlar, tinchlik va osoyishtalik uchun shukronalik bilan yashash haqida so‘z yuritildi.