Bahorning ilk kuni mamlakatimizda o‘zbek xalqining sevimli shoirasi, taniqli jamoat arbobi Zulfiyaxonim tavallud kunini nishonlash bilan boshlanadi. O‘z ijodi va mashaqqatli hayot yo‘li, oqila hamda oliyjanobligi bilan o‘zbek ayollarining yorqin timsoliga aylangan Zulfiya Isroilova tavalludining 108-yilligi SamDU Kattaqo’rg’on filiali Pedagogika va tillarni o’qitish fakultetida ham keng nishonlandi.
Ushbu tadbirda filial talabalari va professor-o‘qituvchilari ishtirok etishdi.
Tadbirni “Maktabgacha ta’lim va pedagogika” kafedrasi o’qituvchisi Zulayho Nazarova kirish so’zi bilan ochib,xalqimizning ardoqli shoirasi Zulfiyaxonimning porloq hayoti va samarali ijod yo‘li haqida ma’lumot berdi.
Tadbirning badiiy qismida fakultetning iqtidorli talabalari Zulfiyaxonim ijodi namunalaridan she’riy parchalar namoyish etishdi.
Shoiraning she’rlariga bastalangan qo‘shiq va go‘zal raqslar ijrosi tadbirga o‘zgacha ruh bag‘ishladi.
Filial talabalari o’zlari tayyorlagan sahna kòrinishlarini taqdim etishdi.
Shuningdek, fakultetning iqtidorli talabalari tomonidan she’riy chiqishlar, Hamid Olimjon va Zulfiyaxonim dialogi, qizlar tomonidan ijro etilgan sho‘x milliy qo’shiqlar va raqqosa qizlarning chiroyli raqslari tadbir ishtirokchilarining olqishiga sazovor bo‘ldi.
Tadbir so‘ngida Zulfiyaxonim izdoshi bo’lmish Maktabgacha ta’lim yo’nalishi talabasi, shoira Gulsanam Abdullayevaning ” SOG’INGANDA IFORING IZLAB … ” nomli kitobi nashrdan chiqqanligi sababli filial rahbariyati tomonidan ta’sis etilgan tashakkurnomani dekan o’rinbosari Jasur Abduraxmonov topshirdi.
SamDU Kattaqo’rg’on filiali
Axborot xizmati