SamDU Kattaqo‘rg‘on filialida Talabalar turar joylari va ijara xonadonlari bo‘yicha ma’lumotlar beruvchi markaz o‘z ish faoliyatini boshladi.
Samdukf.uz rasmiy web-saytida 24/7 shaklida faol bo’luvchi onlayn platforma (samdukf.uz/turar-joy/), t.me/Samdukf_talaba_ijara telegram kanali orqali talabalardan murojaatlar qabul qilinib, ijara xonadonlari taklif qilinmoqda.
Bugungi kunga qadar aholi xonadonlarida 668 o‘rinli ijara turar joylari aniqlandi. Uning 368 o‘rni talabalardan tushgan takliflar asosida band qilindi.
Kattaqo‘rg‘on shahridagi hostel va muassasalarning yotoqxonalarida yana 272 ta zaxira o‘rin shakllanrildi.
Ayni paytga qadar TTJda turish istagida 74 nafar talaba murojaat qildi. Belgilangan talablar asosida ularning 65 nafari TTJga joylashtiriladigan bo‘ldi.