Oʻzbekiston Respublikasi Prezidentining 2023-yil 14-dekabrdagi tegishli farmoyishiga asosan, SamDU Kattaqo’rg’on filialida ham Qurolli Kuchlarimiz tashkil etilganligining 32-yilligi hamda Vatan himoyachilari kuni munosabati bilan “Xalq va armiya — bir tanu bir jon!” tamoyilini oʻzida mujassam etgan qator maʼnaviy-maʼrifiy tadbirlar tashkil etilmoqda.
Ana shunday tadbirlarning navbatdagisi bugun,12-yanvar kuni filialning faollar zalida bo’lib o’tdi. Unda Kattaqo’rg’on garnizonidagi harbiy qism vakillari, faxriylar, professor-o’qituvchilar hamda talabalar ishtirok etdi.
Dastlab,tadbirani filialining ilmiy ishlar va innovatsiyalar boʻyicha direktor oʻrinbosari F.Sirojiddinov kirish so‘zi bilan ochib berdi va barchani bugungi bayram bilan chin dildan samimiy tabrikladi.
Jarayonda Qurolli Kuchlarimiz jangovar salohiyatini yuksaltirish, professional milliy armiyani shakllantirish, davlat xavfsizligi va chegaralarimiz daxlsizligini ta’minlash borasida amalga oshirilayotgan ishlar xususida so‘z bordi. Vatanimiz sarhadlarini qo‘riqlash, tinchligini saqlash har bir insonning Vatani oldidagi muqaddas burchi ekanligi ta’kidlab o‘tildi.
Filialda tashkillashtirilgan “Qalqon” jamoatchilik guruhi a’zolarinning sahna ko‘rinishlari, hamda talaba-yoshlar tomonidan vatanparvarlik ruhidagi ijro qilingan kuy-qo‘shiqlar barchaga unutilmas bayram kayfiyatini ulashdi.