Samarqand davlat universiteti Kattaqo‘rg‘on filiali Kattaqo’rgon tumanidagi Xalq ta’limi vazirligiga qarashli bir necha umumta’lim maktablar bilan ta’lim sifati va o‘qituvchilarning kasbiy mahoratini oshirish, metodik qo‘llab-quvvatlash hamda ta’lim-tarbiya sohasida zamonaviy uslublardan foydalanish, bitiruvchi o‘quvchilarni oliygohlarga yo‘naltirish va qiziqqan sohalariga keng jalb etish maqsadida hamkorlik ishlarini yo‘lga qo‘ygan.
Jumladan, SamDU Kattaqo’rg’on filiali hamda Kattaqo’rg’on tuman Xalq ta’limi bo’limi bilan hamkorligida tashkil etilgan ushbu tadbirda O‘zbekiston yoshlar ittifoqi filiali boshlang‘ich tashkiloti yetakchisi H.Rashidov, yo‘nalish va fakulteti koordinatorlari hamda Kattaqo’rg’on tumanidagi 33-umumiy o’rta ta’lim maktabi bitiruvchilari ishtirok etishdi.