Bugun Samarqand davlat chet tillar institutida Oliy ta’lim, fan va innovatsiyalar vazirligi tomonidan tashkil etilayotgan “Kitobxon talaba” Respublika tanlovining viloyat bosqichi o’tkazildi.
Tanlovda viloyatimizdagi oliy ta’lim muassasalarining talabalari munosib ishtirok etishdi. Yozuvchilar uyushmasi viloyat bo’limi mutaxassislari tomonidan baholab borilgan ushbu tadbirda ishtirokchilar quyidagi o’rinlarni egalladilar:
1️⃣-o’rinni SamDU Kattaqoʼrgʼon filiali talabasi Ochilova Muxlisa;
2️⃣-o’rinni Samarqand davlat chet tillar instituti talabasi Egamova Muslima;
3️⃣-o’rinni Oʼzbekiston-finlandiya pedagogika instituti talabasi Burxonova Muxlisa egalladi.
Pedagogika va tillarni o‘qitish fakulteti ma’naviy va ma’rifiy ishlar bo‘yicha dekan o’rinbosari J.Abdurahmonov rahbarligida tanlovga tashrif buyurgan hamda g’oliblikni qo’lga kiritgan talabamiz Ochilova Muxlisaga Qashqadaryoda bo’lib o’tadigan mintaqaviy bosqichda omad tilaymiz.
