Samarqand davlat universitetining Kattaqo`rg`on filialida “Kreativ ta’lim va innovatsiyalar-yangi O`zbekiston taraqqiyotining asosi” shiori ostida o’tkazilayotgan “INNOWEEK-2023” Innovatsion g`oyalar haftaligida professor-o`qituvchilar va talabalarning loyihalar taqdimoti boʻlib o’tdi.
Talabalar taqdimotida filial oʻquv ishlari boyicha direktor oʻrinbosari S.Elmonov, “Aniq va tabiiy fanlar” fakulteti dekani S.Rajabov hamda filial professor-oʻqituvchilari ishtirok etishdi.
Loyihalar taqdimotini filial ilmiy ishlar va innovatsiyalar boʻyicha direktor oʻrinbosari F.Sirojiddinov ochib berdi.
“Aniq va tabiiy fanlar” fakultetining “Matematika” yo`nalishi talabasi Sobir Xudoybersiyevning “Taqqoslamalar orqali sonning darajalarini hisoblashdan hosil bo’ladigan ifodaning oxirgi bir nechta raqamlarini topish dasturini sun’iy intelektga kiritish loyihasi” taqdimoti bo’lib o’t’di.
“Axborot tizimlari xa texnologiyalari” yo`nalishi talabasi Lapasov Elnur tomonidan ishlab chiqilgan “Talabalar davomati va kiyinish madaniyati monitoringi” loyihasi taqdimoti bo’lib o’t’di.
“Ilmiy tadqiqotlar, innovatsiyalar va ilmiy pedagogik kadrlar tayyorlash sektori bo‘limi” boshlig‘i M.To‘rayev soʻzga chiqib “Bugungi kunning dolzarb masalalaridan biri talaba yoshlarning kreativligini oshirish va ularning ilmiy g`oyalarini qo`llab-quvvatlash dolzarb masaladir. Shu munosabat bilan siz talaba yoshlarni faol ilmiy jarayonlarga undash maqsadida ushbbu trening tashkil etilganligini aytib oʻtdi hamda tadbir davomida professor-oʻqituvchi va talabalar o`z fikrlarini erkin va ochiq tarzda bildirishlariga chaqirdi.
Loyihalar taqdimoti professor-oʻqituvchilar va talabalar uchun qiziqarli hamda munozarali tarzda oʻtdi, hamda taqdimotlar davomida talabalar o`zlari qiziqtirgan barcha savollarga javob olishdi.
