Samarqand davlat universiteti rektori, O‘zbekiston Respublikasi fan arbobi Rustam Xolmurodov so‘zga chiqib, boshlanayotgan o‘quv yilida universitetga qabul qilingan talabalarni samimiy qutladi, ularning kelgusi ishlariga  muvaffaqiyat tiladi: -Ilm-maʼrifat – inson hayotini bezaydigan eng ulug‘ tuyg‘u.  Sizlarni bu dargohga bilimingiz yetaklab keldi. O‘ylaymanki, bundan keyingi o‘qish faoliyatingizda ham ilm bilan yana-da yuksak muvaffaqiyatlarga erishasiz. Samarqand davlat universiteti siz kabi yoshlarga hayotda munosib o‘rin topishi va yetuk mutaxassis bo‘lishi uchun barcha sharoit va imkoniyatlar yaratib beradi.

    -2022  Zulfiya nomidagi Davlat mukofotiga sazovor bo‘ldim, – deydi filologiya fakulteti SamDU talabasi Mahbuba Xalilova. – Menda xohlagan universitetga imtiyoz asosida o‘qishga kirish imkoniyati bor edi. Men o‘qish uchun Samarqand davlat universitetini tanladim. Chunki, SamDU ning tobora ortib borayotgan nufuzi, talabalarga berilayotgan imkoniyatlar menda havas uyg‘otgandi. Mana, orzuim ushalib talaba bo‘ldim. Men Samarqand davlat universiteti talabasi ekanligimdan faxrlanaman.

    Tadbir davomida joriy o‘quv yilida eng yuqori natija bilan talabalikka tavsiya etilgan bir guruh iqtidorli yoshlar taqdirlandi.