Bahraynda o’tayotgan og’ir atletika bo’yicha Osiyo chempionatida 102 kg. vazn toifasida qatnashgan SamDU talabasi Sharofiddin Amriddinov 1 oltin va 2 bronza medallarni qo’lga kiritdi.
Sharofiddin dast ko’tarish mashqida 172 kg. bilan Tokio-2020 Olimpiadasi chempioni qatarlik Elbah Faresni ham ortda qoldirib, oltin medal sohibiga aylandi. Siltab ko’rarishda 196, ikki kurashda esa 368 kg. qayd etgan Sharofiddin terma jamoa hisobiga yana 2 bronza medalni keltirdi.
Shuningdek ushbu musobaqada SamDU talabalari Og’abek To’xtayev va Hojiakbar Olimovlar ham ishtirok etib, yurtimiz sharafini himoya qildi. Chempionatda Og’abek To’xtayev bronza medalni qo’lga kiritdi. Hojiakbar Olimovga biroz omad yetishmadi va 4-pog’onadan joy olib, xalqaro hakamlar tomonidan eng yaxshi sportchi, deb e’tirof etildi.
Ma’lumot uchun, joriy yilda Sharofiddin Amriddinov Gretsiyaning Iraklon shahrida o’tgan Yosh va o’smirlar o’rtasidagi Jahon chempionatida 2 oltin va 1 kumush medalni, Toshkentda o’tkazilgan Yoshlar o’rtasidagi Osiyo chempionatida 3 oltin medalni, Konya-2021 Islom birdamlik o’yinlarida bronza medalni qo’lga kiritgan edi.
