SamDU Kattaqo‘rg‘on filiali iqtidorli talabalari yoshlarning bo’sh vaqtlarini mazmunli tashkil qilish, ularning iqtidorlarini ro‘yobga chiqarish hamda qo‘llab-quvvatlash borasida xalqaro va respublika musobaqalari, viloyat va shaharlarda o‘tkazilayotgan turli tanlovlarda faol ishtirok etib kelmoqda.
Jumladan, Pedagogika va tillarni o‘qitish fakultetining Xoriji til va adabiyoti: ingliz tili yo’nalishi 3-bosqich talabalari Ibragimova Farangiz, Yaxyayeva Barno, Filologiya va tillarni o‘qitish: o‘zbek tili yo’nalishi 3-boqich talabasi Hayitmurodova Marjona, Sport faoliyati: kurash yo‘nalishi 3-boqich talabasi Saidova Marjona, Maktabgacha ta’lim yo‘nalishi 2-bosqich talabasi Boymirzayeva Dinoralar filial ilmiy, ma’naviy-ma’rifiy sohalaridagi faolligi, ilmiy-amaliy konferensiyalarda hamda MDH yetakchilari xalqaro ilmiy-amaliy ko‘rik tanlovida faol ishtirok etib tanlovning esdalik ko’krak nishoni va maxsus guvohnoma hamda faolligi uchun filial rahbarining tashakurnomlari bilan taqdirlandi.
Taqdirlash jarayonida filial yoshlar masalalari va ma’naviy-marifiy ishlari bo’yicha direktor o’rinbosari Sh.Mustafayev, fakutet dekani A.Sobirov, Yoshlar ittifoqi filial boshlang‘ich tashkiloti yetakchisi J.Abduraxmonovlar talabalarni yutuqlari bilan tabriklab o’tdi.