Oliy ta’limning salohiyatini rivojlantirish va xalqarolashtirishda hamkorlik aloqalarining o’rni katta ahamiyatga ega.
Yurtimizdagi ko’plab oliygohlar hamda xorijiy nufuzli oliygohlar o’rtasida juda ko’plab xalqaro hamkorlik aloqalari o’rnatilmoqda.
Mumbaydagi Hindiston texnologiya instituti professori Azizuddin Xon hamda Hindiston ijtimoiy fanlar tadqiqot kengashi tadqiqotchisi, doktor Tabassum Qazi Samarqand davlat universitetining Kattaqo’rg’on filialiga tashrif buyurib, talabalarga “Psixologiyaning zamonaviy muammolari” mavzusida seminar trening o’tkazishdi, shuningdek Hindiston ta’lim tizimi va uning o’ziga xos xususiyatlari, talabalarning mustaqil ta’limini tashkil etish, talabalar bilimini baholashga zamonaviy yondashuv muammolari bo’yicha Hindiston tajribasi to’g’risida ma’lumot berildi hamda talabalarni qiziqtirgan savollar bo’yicha debat o’tkazildi.
Mehmonlarni filial direktori Sherzod Urakov kutib oldi.Muloqot davomida ikki tomonlama do‘stona hamkorlik aloqalarini yanada rivojlantirish borasida fikrlar almashildi.
Pedagogika va tillarni o’qitish fakulteti talabalari mehmonlarimiz bilan sof ingliz tilida suhbatlashdilar va o’zlarini qiziqtirgan savollarga javob olishdi.
Uchrashuvda, Hindistonlik mehmonlar bilan hamkorlikni kengaytirish, shuningdek, Oliy ta’lim tizimini rivojlantirishda bir qator kelishuvlarga erishildi.
