Samarqand viloyati Xalq ta’limi boshqarmasiga qarashli viloyat hududida oliy ta’lim dargohlariga kirish ko‘rsatkichi past bo‘lgan qizil toifaga kiruvchi maktablar borligi aniqlangan. Ushbu maktablarning faoliyat samaradorligini yuksaltirish borasida Samarqand davlat universitetining Kattaqo‘rg‘on filiali professor-o‘qituvchilari jamoasi ham qizil toifaga kiruvchi maktablar jamoalariga metodik –uslubiy yordamlarini ko‘rsatib kelmoqdalar.
Xususan, joriy yilning 21-may kuni SamDU KF Biznesni boshqarish va axborot texnologiyalari fakulteti “Biznesni boshqarish” kafedrasi professor-o‘qituvchilari bilan birgalikda Kattaqo‘rg‘on tuman 7-maktab jamoasi, bitiruvchi sinf o‘quvchilari va ota-onalari bilan uchrashuv tashkil etildi.
Uchrashuvda bitiruvchi sinf o‘quvchilariga va ularning ota-onalariga filialimiz faoliyat samardorligi va kelajakdagi istiqbolli rejalari haqida ma’lumotlar berildi.Uchrashuv so‘ngida bitiruvchi sinf o‘quvchi yoshlarini oliy ta’limga kirish qamrovini yuksaltirish chora-tadbirlari kelishib olindi.
Tadbir ishtirokchilari tomonidan berilgan savollarga professor-o‘qituvchilarimiz atroflicha javoblar berishdi.
