FILIAL DIREKTORINING MUROJAATI USHBU MASALAGA QARATILDI
2022-yil 28-yanvar kuni Samarqand davlat universiteti Kattaqo‘rg‘on filiali direktori Sh. Urakov pedagogika va tillarni o‘qitish fakulteti talabalarining ota-onlari bilan 2021/2022-o‘quv yili yakunlari, birinchi yarim yillikda bo‘lib o‘tadigan imtihonlar, online ta’lim jarayonlarida talabalarning faol qatnashishlari va bir qator boshqa masalalar yuzasidan ZOOM platformasi orqali ochiq muloqot o‘tkazdi.
Muloqot davomida filial direktori SH.Urakov talabalarning online darslarda faol qatnashishlari uchun ota-onalarni farzandlariga sharoit yaratib, ko‘mak berishini so‘radi.
Ushbu jarayonlarda talabaning ma’naviy-axloqiy yurish-turishi, bo‘sh vaqtining nazorat qilinishida ota-onalarni sergaklikka chaqirdi. Ushbu ta’lim jarayonlarining sifatli olib borilishi OTM hamda ota-onalarning mustahkam hamkorligiga bog‘liq ekanligini qayd etdi.
Ota-onalar bilan onlayn tashkil qilingan muloqot jarayonida Pedagogika va tillarni o‘qitish fakulteti dekani A.Sobirov, dekan o‘rinbosarlari va tyutorlar ularga zarur tavsiyalar berishdi.
Talabalarning ota-onalari mas’ullardan o‘zlarini qiziqtirgan savollarga atroflicha javob olishdi. Ushbu jonli muloqotni tashkil qilingani, ota-onalarning fikri va takliflariga muntazam quloq tutilib, mustahkam hamkorlik o‘rnatilayotganligi uchun o‘z minnatdorligini bildirishdi.
