Vazir I.Abdurahmonov Qarshi muhandislik-iqtisodiyot instituti “Muqobil energiya manbalari” ilmiy-innovatsiya poligonida bo‘lib, ilmiy ishlanmalarning yangi namunalari bilan tanishdi.
Xususan, institutda tashkil etilgan “Topogeodeziya va raqamli kadastr”, “Ekologiya” hamda “Muqobil energiya” nomli innovatsion kichik korxonalar (Spin-offlar) faoliyati, AQShdagi xalqaro taraqqiyot agentligi (USAID) bilan hamkorlik istiqbollari haqida ma’lumot berildi.
Muloqot davomida vazir mahalliy olimlar tomonidan yaratilgan 3 ta qurilmani ko‘zdan kechirib, ularni tijoratlashtirish, yanada takomillashtirish, shuningdek, muqobil energiya qurilmalarining afzalliklari, aholi xonadonlarida o‘rnatiladigan quyosh panellarining ahamiyatini keng targ‘ib qilish yuzasidan tegishli ko‘rsatmalar berdi.
