SamDU Kattaqo‘rg‘on filialida O’zbekiston Respublikasi Oliy ta’lim, fan va innovatsiyalar vazirining 2024-yil 17-apreldagi “Oliy ta’lim muassasalarida “Ma’rifat ulashib” loyihasini amalga oshirish chora-tadbirlari to‘g‘risida”gi buyrug‘i ijrosini ta’minlash maqsadida shoir va jurnalistlar bilan uchrashuv tashkil qilindi.
“Ma’rifat ulashib” loyihasi doirasidagi ilk uchrashuvda shoir O‘lmas Samarqandiy hamda “Zarafshon” gazetasi maxsus muxbiri Yormamat Rustamov bilan ijodiy muloqot bo‘lib o‘tdi. Adabiy uchrashuvni Pedagogika va tillarni o‘qitish fakulteti dekani A.Sobirov ochib berdi.
Tadbirda ijodkorlar o‘z ijodiy faoliyati, ustozlari haqida, jumladan, Muhammad Yusufning bebaho asarlari, shoirning shaxsiyati, ibrati xususida so‘z yuritdi.
Talabalar shoir O‘lmas Samarqandiy bilan qizg‘in ijodiy muloqotda bo‘ldi. Uning she’rlaridan namunalar aytib, shoir ijodi, faoliyati haqida savollariga javob olishdi.