Joriy yilning 17 may kuni SamDU Kattaqo‘rg‘on filiali direktori Sh.Urakov hamda Biznesni boshqarish va axborot texnologiyalari fakulteti talabalari ishtirokida davra suhbati bo‘lib o‘tdi.
Suhbat jarayonida Sh.Urakov bugungi kunda mamlakatimizda amalga oshirilayotgan islohotlar, ta’lim-tarbiyaviy ishlar, talabalar uchun yaratilayotgan sharoit va imkoniyatlar, yoshlar ongiga salbiy taʼsir koʻrsatuvchi mafkuraviy tahdidlar va ularni oldini olish haqida soʻz yuritdi.
Shuninigdek, talabalarga filialida hamda Talalabalar turar joyida odob-axloq qoidalariga rioya qilish, har doim fakultetning ma’naviy-ma’rifiy tadbirlarida faol eshtirok etish,axborot texnologiyalaridan unumli foydalanish kerakligi haqida to’xtaldi.
Tadbir savol-javob tarzida bo’lib o’tdi.
Talabalar oʻzlarining qiziqtirgan savollariga toʻliq javob olishdi.
